“Time” jurnalı ilk dəfə incəsənət dünyasının ən nüfuzlu 100 şəxsinin siyahısını açıqlayıb.

Gundemxeber.org  xəbər verir ki, siyahıya rəssamlar, fotoqraflar, heykəltəraşlarla yanaşı, kuratorlar, xeyriyyəçilər və muzey rəhbərləri də daxil edilib.

Siyahı “Liderlər”, “Titanlar”, “İkonlar” və “İnnovatorlar” olmaqla dörd bölməyə ayrılıb.

“Liderlər” bölməsində fotoqraflar Tarin Saymon və Volfqanq Tillmans, rəssamlar Eymi Şerald və Kerri Ceyms Marşall, həmçinin performans sənətçisi Ann İmhof yer alıb.

“Titanlar” sırasında müğənni Alişa Keys və həyat yoldaşı, repçi Svizz Bitts, LVMH şirkətinin baş direktoru Bernar Arno, neokonseptualist rəssam Ceni Holzer, heykəltəraş Simona Li, süni intellektlə işləyən rəssam Refik Anadol və Los-Anceles İncəsənət Muzeyinin direktoru Maykl Qovan yer alıb.

“İkonalar” bölməsinə Benksi, Devid Hemmons, tekstil rəssamı Şeyla Hiks, xeyriyyəçi və MoMA-nın keçmiş sədri Ronald Lauder, keramika ustası Maqdalena Odundo və memar Anabel Selldorf daxil edilib.

“İnnovatorlar” kateqoriyasında isə Loren Holsi, Mauritsio Kattelan, Trevor Paqlen, Elison Luçs, Kristin San Kim, Lorens Abu Hamdan, Devon Rodriges, Tayler Mitçell və Daniell MakKinni qeyd olunub.

Xalq artisti Emin Ağalarov uşaqlığında etdiyi utancverici davranışından danışıb. 

Gundemxeber.org xəbər verir ki, iş adamı illər sonra atasının pulqabından oğurluq etdiyini bildirib:

"Atam işdən gəldi və portmanatını komodun üzərinə qoydu. Uşaqlarla harasa getmək istəyirdik, yaşımız 15 olardı. Uşaqlara dedim ki, orada pul çoxdur, atam fərqinə varmaz. Biz 100 dollar götürdük. Bunu bir müddət heç kimə demədim, ancaq bu məni utandırırdı. Bir qədər sonra atamın yanına gəlib dedim ki, sənin pulqabından 100 dollar götürmüşəm, daha doğrusu, oğurlamışam. O dedi ki, "Niyə az götürmüsən?". Soruşdu nə üçün götürmüsən. Dedim uşaqlarla gəzmək, içmək, alış-veriş etmək istədik. Dedi "Yaxşı". Mən indi öz uşaqlarımla bu mövzuda danışanda deyirəm ki, istəyin, mən verəcəm, arxamca iş görməyin. O vaxt isə bunu mənə izah edən olmamışdı".

Gundemxeber.org

Rəqqasə Fatimə Fətəliyeva sosial şəbəkə paylaşımı ilə diqqət çəkib.

Gundemxeber.org  xəbər verir ki, o, ad çəkmədən haqqında danışan bəzi şəxslərə irad bildirib:

“Neçə müddətdir ki, bir məsələ ilə bağlı özümə söz vermişdim ki, mən buna heç toxunmayacağam, sadəcə Allaha həvalə edəcəyəm. Belə dedikcə görürsən ki, ay bədbəxt insanlar, belə xasiyyətinizlə nə ətrafınızda dost qalıb, nə də sizi sevən insanlar.

Bir ayılın, həyatınıza baxın, bir düşünün. Sərxoş olduğunuz bu həyatdan artıq gözünüz heç nə görmür. Ayıq gözlə, ayıq beyinlə bu həyatı yaşamağa davam edin.

Onun-bunun dalınca olmayan şeyləri danışmaq, belə ürəkbulandırıcı sözlər demək... Deyiləsi bir şey deyil. Mən həmin insanların yerinə utanıram. “Canım”, “bacım” deyib ətrafımızda olan belə insanlardan Allah bizi qorusun. Mən artıq özümü qoruyuram.

Sözümü deyirəm və görürəm ki, qarşı tərəf mənə “balamın canı” deyir. Balanı haradan tapmısınız, küçədən? “Balamın canı”, “Allah bəlasını versin” deyirsiniz. Allah bilirsiniz, necə bəla verir? Elə verir ki... Deyirdilər ki, gec-tez cavabı olacaq. Vallah, gec-tez yoxdur. Allah artıq tez cavabı verir.

Ona görə də Allaha yaxın, məndən uzaq olun. Mənim bir də adımı çəkməyin. Ağıllı olun. Məni görəndə də yüz metr kənara çəkilin. Mənim sizin yanınızda başıaşağı işim yoxdur. Amma siz artıq hamının yanında başıaşağı hərəkətlər edirsiniz. Hamı sizdən danışır, yazıqlar”.

Gundemxeber.org

Türkiyəli müğənni Rafet El Roman uzun fasilədən sonra müsahibə verərək həm şəxsi həyatı, həm də karyerası ilə bağlı diqqətçəkən açıqlamalar edib.

Gundemxeber.org-ın xarici KİV-ə istinadən məlumatına görə, sənətçi estetik əməliyyat keçirmədiyini, lakin əvvəllər botoks etdirdiyini və sonuncu dəfə dozanın həddindən artıq olduğunu bildirib.

58 yaşlı müğənni artıq botoks etdirmədiyini, bunun üz cizgilərini dəyişdirdiyini deyib. O, həmçinin keçmişdə verdiyi bəzi yanlış qərarlara görə başqalarını deyil, özünü günahlandırdığını söyləyib.

Rafet El Roman sosial media ilə bağlı da maraqlı fikir səsləndirərək, istifadəçilər üçün avtomobil sürücülüyündə olduğu kimi “vəsiqə” və imtahan sisteminin tətbiq edilməsinin tərəfdarı olduğunu bildirib.

 Gundemxeber.org

Türkiyəli aktrisa Hande Erçel yeni mövsüm üçün aldığı layihə təkliflərini geri çevirməyə başlayıb.

Gundemxeber.org Türkiyə KİV-nə istinadla xəbər verir ki, son illərdə bir sıra ekran işlərində rol alan Erçel bu dəfə diqqətini ssenari müəllifliyinə yönəltmək qərarına gəlib. Aktrisa ikinci dəfə ssenari yazmağa hazırlaşır.

“Hazırda dincəlirəm və yeni mövsümə hazırlaşıram. Gələn işlərə baxıram. Ssenari yazıram, amma hələlik yalnız yazı hissəsi ilə məşğulam. Gələcəkdə nələrin olacağını görəcəyik”, – Hande Erçel bildirib.

Aktrisa ikinci dəfə ana olmağa hazırlaşan bacısı Gamze Erçellə bağlı da danışıb. Aktrisa ailədə böyük həyəcan yaşandığını bildirib:

“Çox xoşbəxt və həyəcanlıyıq. Biz də səbirsizliklə gözləyirik”.

Gundemxeber.org

Dünyaşöhrətli model Bella Hadidin bir kovboyla görüşdüyü barədə şayiələr yayılıb.

Bu barədə “Daily Mail” nəşri məlumat yayıb.

Məlumata görə, Bella Hadid 38 yaşlı layihə meneceri, kovboy və tikinti biznesinin varisi olan Natan Leysi ilə görüşür. Münasibətləri barədə şayiələr yayılandan bəri Hadid biznesmenin doğma şəhəri olan Kolorado ştatının Krested Byut bölgəsinə tez-tez səfər edir.

Nəşrə açıqlama verən məlumatlı bir mənbə “Onun vaxt keçirdiyi biri var, lakin onlar hələ sadəcə bir-birini tanıma mərhələsindədirlər. Buna görə də məsələyə həddindən artıq ciddi məna yükləməyə ehtiyac yoxdur. O, ailə qurmaq niyyətində deyil; sadəcə, üzərinə ağır öhdəliklər götürmədən yanında birinin olmasını istəyir”, - bildirib.

Gundemxeber.org