Müğənni Rəqsanə İsmayılovanın atası Mirismayıl İsmayılov dünyasını dəyişib. 

Gundemxeber.org xəbər verir ki, bu barədə şairə Nazilə Səfərli məlumat paylaşıb. 

Qeyd edək ki, Rəqsanə İsmayılovanın 3 yaşı olarkən atası Rusiyanın Rostov şəhərinə köçüb və orada yenidən ailə qurub. 

Bir neçə vaxtdır məşhurlardan müxtəlif yollarla pul almağa çalışan dələduzların növbəti hədəfi bu dəfə rəqqasə Fatimə Fətəliyeva olub.

Gundemxeber.org xəbər verir ki, sənətçi bu barədə sosial şəbəkədə paylaşım edib:

"Əziz izləyicilərim, dostlarım, tanıdığım və məni tanıyan insanlar. Buradan sizə səslənirəm ki,adımdan istifadə edən dələduzlar çoxalıb. Birdən mənim adımdan sizə müraciət etsələr ki, pul lazımdır, inanmayın və bilin ki, o mən deyiləm".

Gənclər və idman nazirinin keçmiş müavini Mariana Vasileva qızına toy edib. 

Gundemxeber.org xəbər verir ki, sabiq nazir müavininin qızı Siyananın toyu paytaxt məkanlarının birində baş tutub. 

Xatırladaq ki, Mariana Vasileva 2025-ci ildə nazir müavini vəzifəsindən azad edilib. O və qızı idmançılara qarşı zor tətbiq etməkdə ittiham olunublar. 

GEF İntizam Komissiyası onu 8 il müddətində Beynəlxalq Gimnastika Federasiyasının (FİG) bayrağı altında keçirilən yarışlarda iştirakına qadağa qoyub. 

Həmçinin, o, bundan sonra FİG yarışlarında mübarizə apara biləcək millilərdən heç birinin baş məşqçisi ola bilməz. Bununla da M.Vasileva baş məşqçi kimi ömürlük diskvalifikasiya alıb.

Müğənni Roza Zərgərli Bişkek Arenada dövlət rəsmilərinin qarşısında çıxış edib. 

Gundemxeber.org  xəbər verir ki,  6-cı Dünya Köçəri Oyunlarının açılış mərasiminə qatılan ifaçı 51 minlik stadionda meqahitlərindən olan "İstədim" mahnısını səsləndirib.

Qeyd edək ki, mərasimi izləyənlər arasında Azərbaycan Respublikasının Prezidenti İlham Əliyev və birinci xanım Mehriban Əliyeva da olub. 

Gundemxeber.org

“Yeraltı” serialında "Melek" obrazını canlandıran 17 yaşlı aktrisa Ülkü Hilal Çiftçi atası Ünal Çiftçinin şikayəti əsasında ifadə verib.

Gundemxeber.org xəbər verir ki, atası aktrisadan “yetkinlik yaşına çatmadığı halda razılığı olmadan layihələrdə çalışdırıldığı və 27 yaşlı aktyor Hakan Çelebi ilə münasibətdə olduğu” iddiası ilə şikayətçi olub.

Ülkü Hilal Çiftçi ifadəsində valideynlərinin boşanma mərhələsində olduğunu və atasının bu səbəbdən şikayət etdiyini bildirib:

“Anamla atam boşanma mərhələsində olduğundan atam bu şikayəti edib. Hirsi məndən çıxdı. Anamla atamın işləməyimə dair razılığı var”.

Aktrisa Hakan Çelebi ilə bağlı iddialara da aydınlıq gətirib:

“Atamın iddia etdiyi kimi, Hakan Çələbi ilə emosional münasibətim yoxdur. O, mənim yaxın dostumdur”.

Məlumata görə, prokurorluq Ünal Çiftçinin şikayətini rədd edib.

Gundemxeber.org

X platformasına (əvvəlki adı Tvitter – red.) 50 milyon dollara startap satan azərbaycanlı Tural Bədirxanlı evlənir.

Gundemxeber.org  xəbər verir ki, hazırda toy şəhər restoranlarından birində keçirilir. Tural Nəzrin adlı xanımla nikah masasına əyləşib.

Qeyd edək ki, Tural Bədirxanlı X-da pay sahibi olan azərbaycanlıdır. Platforma onun həmtəsisçisi olduğu “Namo Media”nı 50 milyon dollara alıb.

Tural ATV-nin keçmiş prezidenti, Əməkdar jurnalist Vüqar Qaradağlının qızı Gültəkinlə nişanlı olub.

Gundemxeber.org

Gundemxeber.org xəbər verir ki, Dövlət Proqramının əsas məqsədləri turizm bazarında rəqabətqabiliyyətli turizm məhsullarının təqdim edilməsi, turizm sahəsində idarəetmə və tənzimləmənin təkmilləşdirilməsi, regionlarda turizmin inkişafının təşviq edilməsi, həmçinin effektiv brendinq və marketinq fəaliyyətinin təşkili ilə bağlıdır.

Sərəncama əsasən, Nazirlər Kabineti altı ay müddətində Dövlət Turizm Agentliyinin təklifləri əsasında “Turizm haqqında” Azərbaycan Respublikası Qanununun təkmilləşdirilməsi ilə bağlı təkliflərini dövlət başçısına təqdim etməlidir.

Həmçinin üç ay müddətində turizm fəaliyyəti ilə bağlı layihələrə investisiya təşviqi sənədinin verilməsi və bu mexanizmin turizm sektorunun xüsusiyyətləri nəzərə alınmaqla təkmilləşdirilməsi ilə bağlı təkliflər hazırlanmalıdır.

Nazirlər Kabinetinə Dövlət Proqramında nəzərdə tutulan tədbirlərin əlaqələndirilməsi, onların icrasına nəzarət və görülən işlər barədə ildə bir dəfə Prezidentə məlumat verilməsi tapşırılıb.

Rəqəmsal İnkişaf və Nəqliyyat Nazirliyi hava nəqliyyatının turizmin inkişafına töhfəsinin artırılması ilə bağlı təkliflərini üç ay müddətində Nazirlər Kabinetinə təqdim edəcək.

Dövlət Turizm Agentliyinə Sərəncamdan irəli gələn məsələlərin həlli üçün zəruri tədbirlərin görülməsi tapşırılıb.

Maliyyə Nazirliyi və İqtisadiyyat Nazirliyi Dövlət Turizm Agentliyi ilə birlikdə Dövlət Proqramında nəzərdə tutulan tədbirlərin maliyyələşdirilməsi üçün hər il dövlət büdcəsinin və dövlət investisiya proqramlarının hazırlanması zamanı zəruri vəsaitin nəzərdə tutulması istiqamətində tədbirlər görəcəklər.

Dövlət Proqramının icrasının monitorinqi və qiymətləndirilməsi isə Dövlət Turizm Agentliyinin sifarişi əsasında İqtisadi İslahatların Təhlili və Kommunikasiya Mərkəzi tərəfindən həyata keçiriləcək.

Gundemxeber.org

Macarıstanın "Turan" Fondunun təşkilatçılığı və TÜRKSOY-un dəstəyi ilə Macarıstanın Buqaç şəhərində IX Böyük Hun-Türk Qurultayı keçirilib.

Gundemxeber.org xəbər verir ki, Qurultayın açılış mərasimində TÜRKSOY-un Baş katibi Sultan Raev, Türk Dövlətləri Təşkilatının baş katibi Kubanıçbek Ömüralıyev, Türk Akademiyasının prezidenti akademik Şahin Mustafayev, Budapeştdəki diplomatik korpusun təmsilçiləri və Türk dünyasından incəsənət nümayəndələri, elm adamları və folklor biliciləri iştirak ediblər.

Azərbaycan Respublikası Mədəniyyət Nazirliyinin dəstəyi ilə tədbirdə ölkəmizi “Qorqud” folklor ansamblı təmsil edib. Ansamblın bədii rəhbəri Əməkdar artist Nuriyyə Hüseynova, solist Çilənay Hüseynova bəstəkar və xalq mahnılarımızı səsləndiriblər. Onları Əməkdar artistlər Təranə Əliyeva (qanun), Fəzilə Rəhimova (çəng), eləcə də Rüstəm Müslümov (tar), Ceyhun Muradov (kamança) və Əkbər Məmmədov (nağara) müşayiət ediblər.

Üç gün davam edən etnofestival çərçivəsində konsert proqramları, süvari paradları, köçəri həyat və qədim döyüş sənəti ilə bağlı təqdimatlar, əl sənətləri sərgiləri, həmçinin arxeologiya və antropologiya sahələri üzrə elmi toplantılar təşkil olunub.

Qeyd edək ki, iki ildən bir keçirilən Böyük Hun-Türk Qurultayı türk xalqları və onların diaspor təşkilatları arasındakı birliyin daha da möhkəmləndirilməsi məqsədi daşıyır.

Gundemxeber.org

Milli Kitabxanada Xalq artisti, görkəmli xanəndə Xan Şuşinskinin anadan olmasının 125 illiyinə həsr olunmuş virtual və ənənəvi kitab sərgisi istifadəçilərə təqdim olunub.

Kitabxanadan  bildirilib ki, “Xalq artisti Xan Şuşinski - 125” adlı sərgidə Milli Kitabxananın fondunda mühafizə olunan musiqi əsərləri, bəstəkarın həyatı haqqında ədəbiyyatlar, onun musiqi mədəniyyətimiz tarixindəki rolu haqqında yazılmış Azərbaycan və xarici dillərdə kitablar, dövri mətbuat materialları nümayiş olunur.

Virtual sərgi ilə tanış olmaq istəyənlər bu linkdən istifadə edə bilərlər.

Gundemxeber.org

Milli Kitabxanada “Əfzələddin Xaqani Şirvani” adlı elektron məlumat bazası istifadəçilərə təqdim edilib.

Kitabxanadan  bildirilib ki, məlumat bazasında böyük Azərbaycan şairi Xaqani Şirvaninin 900 illik yubileyinin qeyd edilməsi haqqında ölkə başçısının Sərəncamı, “Əfzələddin Xaqani Şirvani”, “Tarixləşən ömür”, “Şair haqqında nəşrlər”, “Yaradıcılıq nümunələri”, “Xaqani yaradıcılığı və ədəbi irsi”, “Şirvani irsi dünya universitet kitabxanalarında”, “Xaqani Şirvani haqqında fikirlər”, “Xatirəsinin əbədiləşdirilməsi”, “Xaqani rəsmlərdə” və “Videoqalereya” bölmələri yer alıb.

Elektron məlumat bazasında Xaqani Şirvaninin müxtəlif illərdə nəşr olunmuş əsərləri və onların tam mətnli elektron versiyaları, şair haqqında yazılmış monoqrafiyalar, elmi məqalələr, dissertasiyalar, dövri mətbuat materialları, foto və videomateriallar sistemli şəkildə toplanıb.

Məlumat bazası geniş oxucu auditoriyası, tədqiqatçılar, müəllimlər, tələbələr və Xaqani Şirvaninin zəngin irsi ilə maraqlanan hər kəs üçün etibarlı informasiya mənbəyi olmaqla yanaşı, klassik Azərbaycan ədəbi irsinin təbliği və öyrənilməsinə mühüm töhfə verir.

Gundemxeber.org