"Albaniya bizim doğma dövlətimiz olub. Albaniya Atropatenanın törəməsidir".

Gundemxeber.org xəbər verir ki, bunu tarix elmləri doktoru Həsən Həsənov "Qafqaz Albaniyasının irsinə tarixi baxış mövzusunda seminar"da çıxışı zamanı deyib.

O bildirib ki, Albaniyanın eramızdan əvvəl IV əsrdə yaranmağı haqqında mənbələrdə heç bir məlumat yoxdur.

"Elmdə iki ifadə var: mənbə və tədqiqat. Mənbə qədim yazılara deyirlər. Tədqiqat isə indiki tədqiqatçılardır, kim nə istəyir yazır. Ermənilər bizə qarşı gedəndə bir dənə nümunə üçün mənbələri olmur, mənbə adı çəkmirlər.
Ancaq tədqiqatçıları çəkirlər. Tədqiqatçı nə istəyir deyə bilər. O tədqiqatçıda mənbə yoxdur deyə bilmirlər. Mənbə yoxdur, onun üçün də onu deyə bilmirlər. Erməni bir söz deyəndə görməlisiniz ki, bu mənbəyə əsaslanır, yoxsa tədqiqatçıya əsaslanır? Tədqiqatçıya əsaslanırsa, buna çox az inam var. Eramızdan əvvəl IV əsrdə Albaniyanın dövlət olaraq yaranmağına aid bir dənə də olsun mənbə yoxdur".