Türkiyənin xarici işlər naziri Hakan Fidan Azərbaycan və Ermənistan arasında sülh prosesini dəstəklədiklərini bildirib.

Gundemxeber.org “TRT Haber”ə istinadən xəbər verir ki, nazir bunu Nyu-Yorkda keçirilən “100-cü ilə qədəm qoyan Türkiyə-ABŞ münasibətləri” panelində deyib.

Fidan Türkiyə-ABŞ tərəfdaşlığının regional və qlobal sülhə töhfə verməsinin vacibliyini vurğulayıb. O, Qara dənizdə gərginlik risklərinin azaldılması və gəmiçilik təhlükəsizliyinin təmin edilməsinin əsas hədəflərdən olduğunu qeyd edib.

Nazir Ukraynada davamlı sülh üçün dialoq və diplomatiyanı dəstəklədiklərini, həm Kiyev, həm də Moskva ilə təmasları davam etdirdiklərini bildirib.